"Городская поликлиника №1 УЗ города Шымкент"

Шымкент қаласының ШЖҚ «№1 қалалық емхана» МКК ДСБ білікті дәрігерлері 1430.kz сайты арқылы онлайн тегін кеңес беруге көшті. Осы сайтқа емхананың жалпы тәжірибелі дәрігерлері,жеке сала мамандары тіркеліп қызмет көрсетуге дайын. Олар желі арқылы науқасқа кеңес беріп, алғашқы медициналық көмек көрсететін болады.

Бұл үшін 1430.kz порталында тіркеліп, қажетті маманды таңдап, онлайн-қабылдауға жазылу жеткілікті. Яғни, қала тұрғыны сайтқа өзінің атымен, логинімен тіркеледі. Сосын тиісті маман дәрігерін тапқан соң, бос уақытына сай онлайн кеңеске жазылады. Онлайн кеңес уақытына 10 минут қалғанда дәрігер мен пациентке консультация күтіп тұрғандығы туралы смс хабарлама келеді.

Емханадағы жалпы тәжірибелі және мамандандырылған дәрігерлер, оның ішінде хирург(балалар және ересектер), акушер-гинеколог, невропатолог(балалар және ересектер), дерматолог, эндокринолог, ЛОР , педиатр, маммолог сынды 32 маман бүгінде аталған сайтқа тіркелген.

Онлайн қызмет елімізде телемедицинаны дамыту бойынша қолға алынған StartUp жобаларының бірі. Бұл тәжірибе бұған дейін НұрСұлтан мен Алматы қалаларында жүзеге аса бастаған.