ScreenReader 
«Екпе салған жерді үш күн сулауға болмайды» деген сенімді тұжырым бар. Неліктен сулайға болмайтынын және не себепті үш күн екенін ешкім түсіндірмейді. Ал біз түсіндіреміз. Сізге екпе туралы білгіңіз келетіннің барлығын egu.kz сайтында және біздің посттар мен стористерде айтып береміз. Айтпақшы, бірден айтып кетейік: егудің жерін сулауға болады! Тіпті мантудың өзін де.
Әдеттегі гигиеналық душ немесе шомылу мүлдем зиянды емес, өйткені крандағы су таза және иненің кішкентай жарасында қабынуды тудыруы мүмкін емес. Есте сақтауға қажетті маңызды нәрсе – инъекция орнын жуғыш шүберекпен сүртуге болмайды, бұл инъекция орнында тітіркенуді және қызаруды тудыруы мүмкін.
Сондай-ақ, тамақтануды өзгертудің, адамдармен байланысты тоқтатудың, қызуды түсіретін және антигистамминді дәрілерді алдын ала қабылдаудың қажеті жоқ. Мұның бәрі вакцинаға деген реакцияны өзгертпейді, кейде тіпті оның жұмысына кедергі келтіреді. Жасауға қажетті жалғыз нәрсе – вакцинациядан кейін емханада 10-15 минут күту, сонымен қоса, сізді алаңдататын кез келген белгілер болса, олар туралы дәрігерге хабарлау.
